Isaaya 60:20
Endagaano Enkadde nʼEndagaano Empya
20 (A)Enjuba yo terigwa nate,
n’omwezi gwo tegulibula;
Mukama y’anaabeeranga ekitangaala kyo eky’emirembe n’emirembe
era ennaku zo ez’okukungubanga zikome.
Isaaya 61:3
Endagaano Enkadde nʼEndagaano Empya
3 (A)Okugabirira abo bonna abali mu Sayuuni abakungubaga,
okubawa engule ey’obubalagavu mu kifo ky’evvu,
n’amafuta ag’essanyu mu kifo ky’ennaku.
Ekyambalo ky’okutendereza
mu kifo ky’omwoyo w’okukeŋŋeentererwa
balyoke bayitibwe miti gy’abutuukirivu, ebisimbe bya Mukama,
balyoke baweebwe ekitiibwa.
Zabbuli 50:15
Endagaano Enkadde nʼEndagaano Empya
15 (A)Bw’obanga mu buzibu,
nnaakuwonyanga, naawe onongulumizanga.”
Isaaya 58:9
Endagaano Enkadde nʼEndagaano Empya
9 (A)Olwo olikoowoola, Mukama n’akuddamu;
olikaaba naye n’akuddamu nti, Ndi wano.
“Bwe muliggyawo ekikoligo ekinyigiriza
n’okusonga ennwe, n’okwogera n’ejjoogo;
Isaaya 65:24
Endagaano Enkadde nʼEndagaano Empya
24 (A)Nga tebanakoowoola ndibaddamu,
nga bakyayogera bati mbaddemu.
Matayo 7:7-11
Endagaano Enkadde nʼEndagaano Empya
Musabe, munoonye, mweyanjule
7 (A)“Musabe, munaaweebwa. Munoonye, munaazuula. Era mukonkone munaggulirwawo. 8 (B)Kubanga buli asaba aweebwa, n’oyo anoonya, azuula, n’oyo akonkona aggulirwawo.”
9 “Oba muntu ki mu mmwe singa omwana we amusaba omugaati, ayinza okumuwa ejjinja? 10 Oba singa asabye ekyennyanja, kitaawe ayinza okumuwa omusota? 11 Obanga mmwe abantu ababi musobola okuwa abaana bammwe ebirabo ebirungi, Kitammwe ali mu ggulu talisingawo okubawa ebirungi bye mumusaba?
Read full chapterBayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.